Limpezas e plantacións
O traballo dos educadores é básico para dar a coñecer todo o noso patrimonio, as formas de protexelo e a importancia de preservalo, ben sexa natural, etnográfico ou histórico.
Máis que plantar árbores ou limpar un río ou praia, queremos facer entender a necesidade de crear bosques e evitar que a contaminación chegue ao medio natural. En Alecrín pensamos que ademáis de plantar, o alumnado debe levarse unha aprendizaxe. Árbores, frutais, herbáceas, plantas de flor, aromáticas… que función cumpren e por que son necesarias? Insectos e outra fauna, que precisan? como afecta a contaminación a todos estes elementos?
Ofrecemos actividades completas, con loxística adecuada e fondo educativo para unha maior comprensión.
As actividades comezan cunha charla de introdución á temática, para coñecer e saber que queremos conseguir.
A actividade inclúe:
-Un profesional da educación ambiental adaptado á idade do alumnado
-Materiais para a actividade. Planta, semilla ou lugar de realización, no seu caso
Necesario aula con espazo suficiente para charlas e proxector
Necesario acompañamento de profesores
Necesario buscar área de plantación/limpeza ou adaptarse ó lugar conseguido pola nosa empresa
