Alecrín Actividades y aventura créase pola enorme necesidade que os usuarios teñen de “aprender gozando”. Despois de anos como educadores ambientais baixo a tutela doutras empresas, e comprendendo que a maneira non era esa aventurámonos no mundo do emprendemento. Necesitabamos ofrecer algo máis, e o usuario quería recibilo. Non é só coñecer, non é explicar… Hai que vivilo, hai que gozalo, hai que asombrarse co que estás a ver… só así crearás ese vínculo especial coa contorna, que che fará saír namorado del.

E así creamos a idea da “educación ambiental activa”, outra forma de entender as actividades, os servizos guiados e outros proxectos.

Unha forma de aprender gozando, de conservar xogando e de vivir cada momento dun día, coma se fose o máis especial.
Cada vez sumamos máis Alecríns ao noso equipo, porque hai tanta xente especial no mundo que non podemos deixala escapar. Hai xente que sabe empaparte de enerxía positiva, facerte volver ao pasado coas súas explicacións, ou envorcarte a un mundo de marabillas, levarte a unha sensación de benestar e alegría só con acompañarte aos segredos de Galicia.